-
Seri un fiulet
e mi ricordi de avè pregaa anca mi una quei volta
ma tuti i volt che mi pregavi
chissà perchè nisun me dava a trà
Serum in tanti in cà
(se poe anca quela insci la se pudeva ciamà)
e chi ve spieghi cusa vuraraia dì
quand che ve parli de chi ropp chi
gavevum i materas de sac
cun denter la sfoeia del melgun
Mangiaum la polenta cui sarac
e quasi semper a la dumenica
duevum confesas e fa la cumeniun
E mi ricordi una volta che u rubaa
(e quasi me vergogni a di che la parola chi)
in su una bancarela del mercaa
un liber de quei gros che mi credevi
che ghera scrit tanti bei ropp
L'era tutt all'incuntrari de quel che mi pensavi
perchè el parlava de cunt e de cuntess
e ve cunfesi che me vegneù el magun
che u decis de fa la cumeniun
Dopo avem cunfesaa el pret
el me dà la penitenza inveci de dam la solusion
de metes in genoec in su dun sac
e per dò ur el ma fa stà lì
sto brut purcunn (pensiero del momento)
Gavevi i mè genoec che sanguanava
e denter in de mi el ma fa pensà
che propri ne valeva no la pena
de cunfesas e tantumen rubà.
Nessun commento:
Posta un commento